நாட்டின் இருவேறு பகுதிகளில் 3 ஆம் திகதி சனிக்கிழமை இடம்பெற்ற வாகன விபத்துக்களில் இரண்டு வயது குழந்தை உட்பட இருவர் உயிரிழந்துள்ளதுடன் மேலும் சிலர் காயமடைந்துள்ளதாக பொலிஸ் ஊடகப்பிரிவு தெரிவித்துள்ளது.
பேராதனை
பேராதனை பொலிஸ் பிரிவுக்கு உட்பட்ட பகுதியில் கண்டி-கொழும்பு பிரதான வீதியில் கொழும்பிலிருந்து கண்டி நோக்கி பயணித்து கொண்டிருந்த தனியார் பஸ் எதிர்திசையில் வந்த முச்சக்கர வண்டியுடன் நேருக்கு நேர் மோதி இடம்பெற்ற விபத்தில் , இரண்டு வயது குழந்தையொன்று உயிரிழந்துள்ளதோடு , முச்சக்கரவண்டி சாரதி மேலும் இரு பெண்கள் மற்றும் 2 சிறுவர்கள் பேராதனை வைத்தியசாலையில் பலத்த காயமடைந்த நிலையில் அனுமதிக்கப்பட்டுள்ளனர். இவ்விபத்து தொடர்பில் பேரூந்து சாரதி கைது செய்யப்பட்டுள்ளார்.
மஹரகம
மஹரகம பொலிஸ் பிரிவுக்கு உட்பட்ட மிரிஹான – மஹரகம பிரதான வீதியின் மஹரகம சந்தியில் மிரிஹான நோக்கி பயணித்து கொண்டிருந்த மோட்டார் சைக்கிள் எதிர்திசையில் வந்த முச்சக்கர வண்டியுடன் மோதி விபத்து இடம்பெற்றுள்ளது.
இதன் போது பலத்த காயமடைந்த மோட்டார் சைக்கிளில் பயணித்த இருவரும், முச்சக்கர வண்டி சாரதியும் களுபோவில வைத்தியசாலையில் அனுமதிக்கப்பட்டுள்ளனர். இதன் போது மோட்டார் சைக்கிளில் பயணித்த நபர் சிகிச்சை பலனின்றி உயிரிழந்துள்ளார். இவ்வாறு உயிரிழந்தவர் 28 வயதுடைய உடுகம, காலி பிரதேசத்தைச் சேர்ந்தவராவார். விபத்து தொடர்பில் மஹரகம பொலிஸார் மேலதிக விசாரணைகளை முன்னெடுத்துள்ளார்கள்.
