அம்பாறை-பொத்துவில்-அறுகம்பை பகுதியில் சட்டவிரோதமாக கஜ முத்துக்களை விற்பனை செய்ய முற்பட்ட ஒருவர் விசேட அதிரடிப் படையினரால் நேற்றிரவு (04) கைது செய்யப்பட்டுள்ளார்.
விசேட அதிரடிப்படையினருக்கு கிடைத்த இரகசிய தகவலுக்கு அமைய நேற்று (04) இரவு அறுகம்பை டொப் ரென் வீதியிலுள்ள தனியார் விடுதி ஒன்றில் விற்பனைக்காக எடுத்து செல்லப்பட்ட போது குறித்த பகுதியை சுற்றி வளைத்த விசேட அதிரடிப்படையினர் சூட்சுமமான முறையில் சந்தேகநபருடன் உரையாடி அவரை கைது செய்தனர்.
இதன்போது கைது செய்யப்பட்ட சந்தேக நபரிடமிருந்து யானை கஜ முத்துக்கள் (07) சிற்பி முத்து. (06 ) என்பன மீட்கப்பட்டு பொலிஸாரிடம் ஒப்படைக்கப்பட்டுள்ளன.
இதையடுத்து குறித்த சம்பவம் தொடர்பான மேலதிக விசாரணைகளை பொத்துவில் பொலிஸார் மேற்கொண்டு வருகின்றனர்.
