கிளிநொச்சி- கண்டாவளைப் பிரதேச செயலர் பிரிவிற்குட்பட்ட முரசுமோட்டை பழைய கமம் பகுதியில் காணாமல் போன குடும்பஸ்தர் தொடர்பில் இதுவரை எந்த விதமான தகவல்களும் கிடைக்கவில்லை.
முரசுமோட்டை பழைய கமம் பகுதியில் குடும்பத்துடன் வசித்து வந்த முருகர் கனகசிங்கம் (வயது75) என்பவரே இவ்வாறு காணாமல் போயுள்ளார்.
குறித்த நபர் வீட்டிலிருந்து 04ம் திகதி காணாமல் போன நிலையில் அவரது மனைவியால் கிளிநொச்சி பொலிஸ் நிலையத்தில் கடந்த 08ம் திகதி முறைப்பாடு செய்யப்பட்டுள்ளது.
இது தொடர்பில் அவரது உறவினர்கள் மற்றும் பொலிஸார் இணைந்து தேடுதல்களை மேற்கொண்டு வருகின்றபோதும் இவர்பற்றிய தகவல்கள் எதுவும் கிடைக்கவில்லை என தெரிவிக்கப்படுகிறது.
இந்நிலையில், இவர்பற்றிய தகவல் அறிந்தவர்கள் அருகிலுள்ள பொலிஸ் நிலையத்தில் அல்லது 0771128127 என்ற தொலைபேசி இலக்கத்துடன் தொடர்பு கொள்ளுமாறு குடும்பத்தினர் கோரிக்கை விடுத்துள்ளனர்.
