மனிதச் சங்கிலி நீளட்டும் !
——————————————
“போராட்டம் ”
இயற்கையின் ஒவ்வொரு
வெளிப்பாட்டிலும் நிகழ்கிறது !
ஓர் வித்து மண்ணைப் பிளந்து வெளிவருவது
போராட்டத்தின் வெற்றியாகும் ..
ஓர் நதி மேடு பள்ளங்களை தாண்டி
கடலில் சேர்வதும் போராட்ட வெற்றியாகும் ..
தமிழா ! இது உனக்கும் பொருந்தும் விதியாகும் ..
நம் தலைவன் சொன்னான் ..
“இயற்கை நம் வழிகாட்டி ”
தமிழா ! நீ லெமுரியா கண்டத்தின்
முதல் மரபின் தோற்றம் ..
எத்தனை போரைக் கண்டுவிட்டாய் !
வெற்றிவரும்வரை போராடு ..
வெற்றிபெற்றபின்பும் போராடு ..
போராட்டம் தொடர்நிலையே !
போராட்டமே பலத்தின் முதிர்ச்சி !
இன்று உன் கையில்
மனிதச்சங்கிலி போராட்டம் !
தமிழீழ சுதந்திரத்தின்
உரிமை மீட்பு போராட்டம் !
எமது “இலக்கு “தமிழீழமே !
முடிந்தமுடிவில் தலைசொறிவு ஏன் ?
போராட்டமே சுதந்திரத்தின் படிக்கற்கள் !
ஏறிச்செல் வெற்றி நிச்சியம் !
விமர்சனங்களை ஏற்றுக்கொள் ..
அதன்விடையாக வெற்றியை கொடு !
இது மனிதச்சங்கிலி இணைப்பல்ல ..
தமிழீழ உணர்வின் இணைப்பு ..
தமிழீழ மக்களின் பலத்தின் இணைப்பு ..
ஜேர்மனிய அரசின் இதயத்தை திறக்கும் இணைப்பு ..
இது முடிவல்ல ..தொடர்நிலையே ..
சங்கிலியை இணைப்போம்
தமிழீழ உரம் விதைப்போம் .
அகரப்பாவலன்.
