நாட்டின் இருவேறு பகுதிகளில் பொலிஸாரால் மேற்கொள்ளப்பட்ட சுற்றிவளைப்புக்களில் சட்டவிரோதமாக மதுவிற்பனையில் ஈடுபட்ட இரண்டு நபர்களை பொலிஸார் கைது செய்துள்ளனர்.
அந்த வகையில், அம்பலாந்தோட்டை பொலிஸ்பிரிவுக்குட்பட்ட ரிதீகம பிரதேசத்தில் அனுமதிபத்திரதின்றி மதுவிற்பனை செய்த நபரொருவரை பொலிஸார் கைது செய்துள்ளதுடன் அவரிடமிருந்து 14 மதுபான போத்தல்களையும், 2500 ரூபாய் பணத்தையும் கைப்பற்றியுள்ளனர்.
இவ்வாறு கைது செய்யப்பட்டவர் 45 வயதான ருஹுணுகம பிரதேசத்தைச் சேர்ந்தவரென தெரிவித்த பொலிஸார் இது குறித்த மேலதிக விசாரணைகளையும் முன்னெடுத்து வருகின்றனர்.
அத்தோடு தங்காலை, வீரகெட்டிய பொலிஸ்பிரிவுக்குட்பட்ட அக்குருவெல பிரதேசத்தில் சட்டவிரோதமாக மதுவிற்பனையில் ஈடுபட்ட ஒருவர் கைது செய்யப்பட்டுள்ளார். 54 வயதுடைய ஹக்குருவெல பிரதேசத்தைச் சேர்ந்த ஒருவரே இவ்வாறு கைது செய்யப்பட்டுள்ளார்.
குறித்த நபரிடமிருந்து 750 மில்லிலீற்றர் மதுபானபோத்தல்கள் 6 மற்றும் 375 மில்லிலீற்றர் மதுபானபோத்தல்கள் 14 ஐயும் பொலிஸார் கைப்பற்றியுள்ளனர்.
