ஆவடி மாநகராட்சியில் போட்டியிடும் 46 வேட்பாளர்களை ஆதரித்தும், திருவேற்காடு நகராட்சியில் போட்டியிடும் 16 வேட்பாளர்களுக்கு ஆதரவாகவும் நாளை சீமான் பேசுகிறார்.
நாம் தமிழர் கட்சி தலைமை ஒருங்கிணைப்பாளர் சீமான் அக்கட்சி சார்பில் போட்டியிடும் வேட்பாளர்களை ஆதரித்து நாளை (16-ந் தேதி பிரசாரம் மேற்கொள்ள உள்ளார்.
ஆவடி பட்டாபிராம் சி.டி.எச்.சாலையில் உள்ள வசந்தம் திருமண மண்டபத்தில் நாளை காலை 10 மணிக்கு நடைபெறும் கூட்டத்தில் சீமான் பங்கேற்கிறார்.
ஆவடி மாநகராட்சியில் போட்டியிடும் 46 வேட்பாளர்களை ஆதரித்தும், திருவேற்காடு நகராட்சியில் போட்டியிடும் 16 வேட்பாளர்களுக்கு ஆதரவாகவும் அந்த கூட்டத்தில் சீமான் பேசுகிறார்.
இதற்கான ஏற்பாடுகளை திருவள்ளூர் மத்திய மாவட்ட செயலாளர் சே.நல்லதம்பி, தொகுதிதலைவர் எட்மண்ட் ஜெயேந்திரன், தொகுதி செயலாளர் சரவணன், இணை செயலாளர் ஆனந்த குமார் ஆகியோர் செய்துள்ளனர்.
இந்த கூட்டத்தில் நாம் தமிழர் கட்சியின் முன்னணி நிர்வாகிகளும், தொண்டர்களும் திரளாக கலந்து கொள்கிறார்கள்.
