உள்ளூராட்சி மன்றங்களுக்கான எல்லை நிர்ணய குழுவின் அறிக்கையில் பல்வேறு குறைபாடுகள் இருப்பதாகதெரியவருகின்ற நிலையில் இன்று பிரதமர் ரணில் விக்கிரமசிங்கவிடமும் கட்சி தலைவர்களிடமும் எல்லை நிர்ணய அறிக்கை கையளிக்கப்படவுள்ளதாக பிரதமர் அலுவலக தகவல்கள் தெரிவிக்கின்றன.இதன்படி கட்சி தலைவர்களினால் இன்றைய தினம் அறிக்கை தொடர்பில் இறுதி தீர்மானம் எடுக்கப்படும் என்று எதிர்பார்க்கப்படுகின்றது. இது தொடர்பில் மேலும் தெரியவருவதாவது,
உள்ளூராட்சி மன்றங்களுக்கான எல்லை நிர்ணய ஆணைக்குழுவின் அறிக்கை அண்மையில் மாகாண மற்றும்உள்ளூராட்சி அமைச்சர் பைசர் முஸ்தபாவிற்கு சமர்ப்பிக்கப்பட்டது. எனினும் சுதந்திரக் கட்சி மற்றும் ஐக்கிய தேசியக் கட்சியை சார்ந்த பிரதிநிதிகள் கையொப்பம் இடவில்லை என்பதற்கான அறிக்கையை அமைச்சர் நிராகரித்தார்.இதனை தொடர்ந்து எல்லை நிர்ணய அறிக்கையை எதிர்வரும் 9 ஆம் திகதி பாராளுமன்றத்தில் வைத்து தனக்குகையளிக்குமாறும் அதனை கட்சி தலைவர்களிடம் முன்வைத்து இறுதி தீர்மானம் எடுக்கப்போவதாக பிரதமர் ரணில்விக்கிரமசிங்க தெரிவித்திருந்தார். இதற்கானஅறிக்கையை பிரதமர் அலுவலகம் ஏற்கனவே ஊடகங்களுக்கு வெளியிட்டிருந்தது.
அத்துடன் அண்மையில் அறிக்கையில் கைச்சாத்திடப்படாத சுதந்திரக் கட்சியை சேர்ந்த அங்கத்தவர் மெத்யூ கைச்சாத்திட்டிருந்தார். எனினும் இதுவரை ஐக்கிய தேசியக் கட்சி அங்கத்தவர் மிஸ்பா கைச்சாத்திடவில்லை.இது தொடர்பில் கடந்த வாரம் அலரி மாளிகையில் நடைபெற்ற ஊடகவியலாளர் மாநாட்டின் போது பிரதமரிடம் ஊடகவியலாளர்கள் கேள்வி எழுப்பியிருந்தனர்.இதன்போது பிரதமர் ரணில் விக்கிரமசிங்க குறிப்பிடுகையில், எல்லை நிர்ணய ஆணைக்குழுவின் அறிக்கையில் பல்வேறு குறைபாடுகள் நிலவுவதாக ஆணைக்குழுவின் தலைவர் அசோக பீரிஸ் தன்னிடம் தெரிவித்ததாக குறிப்பிட்டிருந்தார். இதன் காரணமாகவே ஐக்கிய தேசியக் கட்சி இதுவரை கைச்சாத்திடவில்லை என குறிப்பிட்டிருந்தார்.
இதன்படி கட்சித் தலைவர்களே இறுதி தீர்மானம் எடுக்க வேண்டும் என தெரிவித்திருந்தார்.இந்நிலையில் இன்றைய தினம் பாராளுமன்ற கட்டடத்தொகுதியில் வைத்து எல்லை நிர்ணய குழுவின் அறிக்கை பிரதமர் ரணில் விக்கிரமசிங்கவிடவும் கட்சி தலைவர்களிடமும் கையளிக்கப்பட்டு இறுதி தீர்மானம் எடுக்கப்படவுள்ளது.
