யாழ்ப்பாணத்தில் மனித பாவனைக்கு உதவாத மாட்டிறைச்சியை மாநகரசபையினர் அடையாளப்படுத்தி பறிமுதல் செய்து அழிக்கும் சம்பவத்தை செய்தியாக்கச் சென்ற ஊடகவியலாளர்களை இறைச்சி வெட்டும் ஆயுதங்களால் தாக்க முற்பட்ட சம்பவம் ஒன்று இடம்பெற்றுள்ளது.
இன்று பிற்பகல் யாழ்ப்பாணம் பண்ணைப்பகுதியில் இறைச்சி விற்பனை நிலையத்தில் மனித பாவனைக்கு உதவாத மாட்டிறைச்சியை குளிரூட்டியில் வைத்து விற்பனை செய்த முயற்சித்த போது பொது சுகாதார பரிசோதகர்களால் பறிமுதல் செய்து அழிக்க முற்பட்ட சம்பவத்தை செய்தியாக்கச் சென்ற பல்வேறு ஊடகங்களின் ஊடகவியலாளர்களை இறைச்சி வெட்டும் ஆயுதங்களால் தாக்க முற்பட்டுள்ளனர்.
செய்தி சேகரிக்கச் சென்ற ஊடகவியலாளர்களை செய்தி சேகரிக்கவிடாது, படம் பிடிக்க விடாது ஒரு பகுதியினர் இறைச்சி வெட்டும் ஆயுதங்களினால் ஊடகவியலாளர்களை தாக்க முற்பட்டுள்ளனர்.
இச்சம்பவத்தின் போது செய்தி சேகரிக்கச் சென்ற ஊடகவியலாளர்களுக்கும், இறைச்சி விற்பனையாளர்களுக்கும் இடையில் வாய்த்தர்க்கம் ஏற்பட்டது.
