நீசா பிஸ்வால் இலங்கை வருகிறார்

தெற்கு மற்றும் மத்திய ஆசிய விவகாரங்கள் தொடர்பான அமெரிக்க ராஜாங்க திணைக்களத்தின் உதவிச் செயலாளர் நீசா பிஸ்வால், அடுத்த வாரம் இலங்கை வரவுள்ளார்.
இவருடன், அமெரிக்க ராஜாங்க திணைகளத்தின் தெற்காசியாவிற்கான பிரதி உதவி ராஜாங்க செயலாளர் மன்பிறிற் சிங் உம் இலங்கை வருகிறார்.
நீசா பிஸ்வால், பங்களாதேஷ் தலைநகர் டாக்காவிற்கு செல்லும் நிலையில், பயங்கரவாத ஒழிப்புக்கு எதிராக அமெரிக்கா வழங்கும் ஒத்துழைப்பு தொடர்பாக தெளிவு படுத்தவுள்ளதாக குறிப்பிடப்பட்டுள்ளது.
டாக்காவில் இடம்பெற்ற பயங்கரவாத தாக்குதலுக்கு பின்னர் பங்களாதேஷிற்கு செல்லும் உயர்மட்ட ராஜதந்திரி இவர் என்பது குறிப்பிடத்தக்கது.
டாக்கா விஜயத்தை நிறைவு செய்ததன் பின்னரே நீசா பிஸ்வால், இலங்கை வருகிறார்.
இலங்கை வரும் அவர் சிரேஷ்ட அதிகாரிகள் மற்றும் அரசியல் தலைவர்களை சந்திக்கவுள்ளதாக அமெரிக்க ராஜாங்க திணைக்களம் விடுத்துள்ள அறிக்கையில் குறிப்பிடப்பட்டுள்ளது.
இதன் போது, இரு தரப்பு வர்த்தக நடவடிக்கைகள் மற்றும் நல்லிணக்கம் போன்ற விடயங்கள் குறித்தும் கலந்துரையாடவுள்ளார்.