தாய்லாந்தில் நெடுஞ்சாலையை கடக்க முயன்ற வேன் மீது லாரி மோதிய விபத்தில் 25 பேர் உடல் கருகி பலியாகினர்.
தாய்லாந்தில் லாரியும் வேனும் மோதி கொண்ட விபத்தில் 25 பேர் பலியாகினர்.கிழக்கு தாய்லாந்தில் கிளெங் மாவட்டத்தில் உள்ள ரயாங் என்ற இடத்தில் இருந்து ஆட்களை ஏற்றிக் கொண்டு ஒரு லாரி சென்று கொண்டிருந்தது.
சாங்புரி என்ற இடத்தில் நெடுஞ்சாலையில் சென்று கொண்டிருந்த போது எதிரே வந்த ஒரு வேன் மீது பயங்கரமாக மோதிக் கொண்டது. இதனால் லாரியும், வேனும் தீப்பிடித்து எரிந்தது.இந்த விபத்தில் லாரியில் பயணம் செய்த 11 பேரும், வேனில் சென்ற 14 பேரும் ஆகமொத்தம் 25 பேர் உடல் கருகி பலியாகினர். அவர்களில் 3 வயது சிறுவனும் அடங்குவான்.
அதிவேகமாக வந்த வேன் குறுக்கு ரோட்டை கடந்த போது தனது கட்டுப்பாட்டை இழந்து லாரி மீது மோதியதாக கூறப்படுகிறது. வேனில் இருந்த கியாஸ் சிலிண்டர் வெடித்ததால் தீவிபத்து ஏற்பட்டதாக கருதப்படுகிறது.
