நொச்சியாகம காவல் நிலையத்தில் இணைந்து சேவையாற்றி வரும் காவல்துறை கான்ஸ்டபிள் ஒருவர், 200 மில்லிகிராம் ஐஸ் போதைப் பொருளுடன் தனுதம்புவெள பிரதேசத்தில் வைத்து கைதுசெய்யப்பட்டுள்ளார் என்று நொச்சியாகம காவல்துறையினர் தெரிவித்துள்ளனர்.
41 வயது காவல்துறை கான்ஸ்டபிளே இவ்வாறு கைதுசெய்யப்பட்டுள்ளார்.
குறித்த காவல்துறை கான்ஸ்டபிள் நொச்சியாகம காவல் நிலையத்தில் இணைந்து சேவையாற்றி வருகின்ற நிலையில் அண்மையில் ஒயாமடுவ காவல் நிலையத்துக்கு மாற்றப்பட்டிருந்தார்.
போதைப்பொருள், கஞ்சாவுக்கு அடிமையான குறித்த காவல் கான்ஸ்டபிள், தனுதம்புவௌ பிரதேசத்தில் போதைப்பொருள் வியாபாரியுடன் நின்று கொண்டிருந்தபோதே நொச்சியாகம காவல்துறையினர் சந்தேகத்தின் பேரில் குறித்த காவல்துறை கான்ஸ்டபிளைக் கைதுசெய்துள்ளனர்.
அவரை சோதனைக்கு உட்படுத்தியபோது அவரிடமிருந்து 200 கிராம் ஐஸ் போதைப்பொருள் கைப்பற்றப்பட்டுள்ளது.
இது தொடர்பில் காவல்துறையினர் மேலதிக விசாரணைகளை மேற்கொண்டு வருகின்றனர்.
