அம்பாறையில் மீனவர்களை காணவில்லை

அம்பாறை கல்முனைக்குடி கடற்பரப்பில் மீன்பிடிக்கச் சென்ற ஆறு மீனவர்கள் காணாமல் போயுள்ளதாக காவல்துறையில் முறைப்பாடு செய்யப்பட்டுள்ளது.

இரண்டு இயந்திரப் படகுகளில் சென்ற 6 மீனவர்களே இவ்வாறு காணாமல் போயுள்ளனர்.

குறித்த மீனவர்கள் கடலுக்கு சென்று 8 நாட்களாகியும் இதுவரை கரைக்கு திரும்பவில்லை என உறவினர்கள் நேற்று காவல்துறையில் முறைப்பாடு செய்துள்ளனர்.

இந்த நிலையில் குறித்த மீனவர்களை மீட்பது தொடர்பில் காவல்துறை உயர் அதிகாரிகளுக்கும் கடற்படையினருக்கும் அறிவிக்கப்பட்டுள்ளதாக காவல்துறையினர் அறிவித்துள்ளனர்.