முல்லைத்தீவு பொலிஸ் நிலையத்தில் கடமையாற்றும் பொலிஸ் உத்தியோகத்தர் ஒருவருக்கு கோவிட் தொற்று இன்று உறுதிப்படுத்தப்பட்டுள்ளது.
குறித்த பொலிஸ் உத்தியோகத்தர் உடல் சுகயீனமுற்ற நிலையில் முல்லைத்தீவு மாவட்ட மருத்துவமனையில் சிகிச்சைக்காக சென்றுள்ளார் .
இதன்போது இவரிடம் மேற்கொள்ளப்பட்ட அன்டிஜன் பரிசோதனையின் போது இவருக்கு கோவிட் தொற்று இருப்பது கண்டறியப்பட்டுள்ளது.
இந்நிலையில் இவரை முறிகண்டியில் உள்ள கோவிட் மருத்துவமனைக்கு கொண்டு செல்லப்பட்டுள்ளதுடன், முல்லைத்தீவு பொலிஸ் நிலையத்தில் இவருடன் தொடர்பினை பேணிய ஏனைய பொலிஸ் அதிகாரிகள் தனிமைப்படுத்தப்பட்டுள்ளார்கள்.
