ரஷ்யாவில் பணிபுரியும் அமெரிக்கத் தூதரக அதிகாரிகள் வெளியேற்றப்பட மாட்டார்கள் என ரஷ்ய ஜனாதிபதி; விளாடிமிர் புட்டின் அறிவித்துள்ளார்.
அமெரிக்காவில் உள்ள 35 ரஷ்ய தூதரக அதிகாரிகள் ஒபாமா நிர்வாகத்தால் நேற்று முன்தினம் வியாழக்கிழமை வெளியேற்றப்பட்னர்.
இந்த நிலையில், குறித்த விவகாரத்திற்கு எவ்வாறு பதில் அளிப்பது என்பதற்கு அமெரிக்காவின் புதிய ஜனாதிபதியாக டொனால்ட் ட்ரம்ப் பொறுப்பேற்கும் வரை, தான் பொறுத்திருக்கப் போவதாக புட்டின் தெரிவித்துள்ளார்.
அமெரிக்க ஜனாதிபதித் தேர்தலில் ஜனநாயக கட்சியின் இணையத்தளத்தில் ஊடுருவி ரஷ்யா முக்கிய தகவல்களைத் திருடியதாக அமெரிக்கா குற்றம் சுமத்தியது.
எனினும், இந்தக் குற்றச்சாட்டை ரஷ்யா மறுத்துள்ளமை குறிப்பிடத்தக்கது.
