பொருத்து வீட்டுத் திட்டத்தின்மூலம் பெறப்பட்ட ஊழல் பணம் எங்கு செல்கின்றது என தமக்குத் தெரியுமென தமிழ்த் தேசியக் கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.
யாழ்ப்பாணத்தில் நடைபெற்ற நூல் வெளியீட்டு விழா ஒன்றில் கலந்துகொண்டு உரையாற்றும்போதே மேற்கண்டவாறு தெரிவித்துள்ளார்.
மேலும் அவர் தெரிவிக்கையில், பொருத்து வீட்டுத் திட்டத்தில் அமைச்சர் சுவாமிநாதன் தமிழ் மக்களை ஏமாற்றும் வேலையில் ஈடுபட்டு வருகின்றார் எனக் குற்றம் சுமத்திய அவர், மிகவும் நொந்துபோயுள்ள தமிழ் மக்களுக்கு வீடுதான் வேண்டுமேயொழிய இரும்புக்கூடு வேண்டாமென எதிர்க்கட்சித் தலைவர் தொடர்ந்தும் வலியுறுத்தி வருவதாகவும் குறிப்பிட்டுள்ளார்.
சாதாரண வீடொன்றை அமைப்பதற்கான செலவை விட இரட்டிப்பு செலவில் தற்காலிக இரும்பு கூட்டை கொடுப்பதனூடாக தமிழ் மக்களை ஏமாற்றும் செயற்பாடு நடைபெற்று வருவதாகவும் சுட்டிக்காட்டியுள்ளார்.
