நுவரெலியா புசல்லாவ டேசன் தோட்டத்தில் ஏற்பட்ட தீ விபத்தில் 5 வீடுகள் தீக்கிரையாகின.
ஹட்டன் புசல்லாவ டெல்டா வடக்கு டேசன் தோட்டத்தில், இன்று பகல் மின்சார கோளாறு காரணமாக ஏற்பட்ட தீ விபத்தினால், 5 வீடுகளை கொண்ட குடியிருப்பு தொகுதி ஒன்று முற்றாக தீக்கிரையானது.
இதன்போது கண்டி மாவட்ட பாராளுமன்ற உறுப்பினர் வேலு குமார், தமிழ் முற்போக்கு கூட்டணியின் பிரதிநிதிகள் சம்பவ இடத்திற்கு உடனடி விஜயம் செய்து நிலைமைகளைப் பார்வையிட்டனர்.
அத்துடன், அவர்கள் பாதிக்கப்பட்ட மக்களுக்கு அவசியமான நிவாரணங்களை அமைச்சர் பழனி திகாம்பரத்தினூடாகப் பெற்றுக்கொடுக்க நடவடிக்கை எடுத்துள்ளமையும் குறிப்பிடத்தக்கது.
