இலங்கைக்குள் முதல் குப்பி செலுத்தியவர்களுக்கு, இரண்டாவது குப்பியை செலுத்துவதற்காக பற்றாக்குறையாக இருந்த எஸ்ட்ராசெனெகா கோவிட் தடுப்பூசிகள் அடுத்த 14 நாட்களுக்குள் கிடைக்கும் என்று அறிவிக்கப்பட்டுள்ளது.
இதனையடுத்து இரண்டு வாரங்களுக்குள் கொழும்பில் 100,000 பேருக்கு தடுப்பூசி போடுவது தமது இலக்கு என்றும் கொழும்பு மாநகர முதல்வர் ரோஸி சேனாநாயக்க தெரிவித்துள்ளார்.
இதன்படி எஸ்ட்ராசெனெகா தடுப்பூசியின் முதல் குப்பியில் பயனடைந்தவர்கள் எஸ்ட்ராசெனெகாவின் இரண்டாவது குப்பி செலுத்தப்படுவதில் சேர்க்கப்பட்டுள்ளனர்.
கோவிட் தடுப்பில் செயற்படும் முன்னணி சுகாதார தொழிலாளர்கள், கண்காணிப்பவர்கள் மற்றும் நோயாளிகளை தனிமைப்படுத்தப்பட்ட மையங்கள் மற்றும் மருத்துவமனைகளுக்கு மாற்றுவது மற்றும் பி.சி.ஆர் சோதனைகளை நிர்வகிப்பவர்கள் ஆகியோர் இதில் அடங்குவர்.
2021, மார்ச் 21க்குள் ஏற்கனவே எஸ்ட்ராசெனெகாவின் முதல் அளவைப் பெற்ற கொழும்பின் சுமார் 30,000 குடிமக்கள் 12-14 வார இடைவெளியில் தங்கள் இரண்டாவது அளவுக்காக காத்திருக்கிறார்கள் என்றும் ரோஸி சேனாநாயக்க தெரிவித்துள்ளார்.
எனவே தடுப்பூசியை நாங்கள் வழங்கும் வரை தயவுசெய்து உயர் தனிப்பட்ட சுகாதார தரங்களை பராமரிக்குமாறு அவர் பொதுமக்களிடம் கோரியுள்ளார்.
