தலங்கம – மாலபே பகுதியில் ஒரு தொகை கேரள கஞ்சாவுடன் பயணித்த இருவர் கைது செய்யப்பட்டனர்.
மாலபே பகுதியில் முன்னெடுக்கப்பட்ட திடீர் சுற்றிவளைப்பில் அவர்கள் கைது செய்யப்பட்டதாக காவல்துறை ஊடக பிரிவு தெரிவித்துள்ளது.
இதன்போது சந்தேகநபர்களிடம் இருந்த 4 கிலோ கேரள கஞ்சா மீட்கப்பட்டது.
இதனையடுத்து அவர்களிடம் முன்னெடுக்கப்பட்ட விசாரணைகளில் பாதுக்க – கலகெதர பகுதியில் 8 கிலோ கேரள கஞ்சாவுடன் மேலும் இருவரும் கைது செய்யப்பட்டுள்ளனர்.
சந்தேக நபர்களிடம் தொடர்ந்தும் முன்னெடுக்கப்பட்ட விசாரணைகளின் அடிப்படையில் அந்த பகுதியில் உள்ள வீடொன்றில் மறைத்து வைக்கப்பட்டிருந்த 32 கிலோ கேரள கஞ்சாவும் கைப்பற்றப்பட்டுள்ளதாக காவல்துறை ஊடக பிரிவு தெரிவித்துள்ளது.
