கரைச்சி சிவநகர் சனசமூக நிலையத்தின் நூலகத்திற்கு, கொழும்பு கொள்ளுப்பிட்டி மெதடிஸ் கல்லூரியில் உயர்தரம் கற்கும் மாணவி நிருத்திகா சிறிதரன் தனது கற்கையின் ஒரு பகுதியாக, சமூகச் செயற்பாட்டு திட்டத்தின் கீழ் ஒரு தொகுதி நூல்களை கையளித்துள்ளார்.
குறித்த நிகழ்வு கரைச்சி சிவநகர் சனசமூக மண்டபத்தில் இடம்பெற்றது.சிவநகர் முதியோர் சங்க அனுசரணையில் சிவநகர் சனசமூக நிலைய மண்டபத்தில் சிவநகர் முதியோர் சங்க தலைவர் அ.ரகுபதி தலைமையில் நடைபெற்ற இந்த நிகழ்வில் பிரதம விருந்தினராக கிளிநொச்சி மாவட்ட சமூக சேவைகள் அலுவலர் வே.தபேந்திரன் கலந்து கொண்டு நூல்களை கையளித்துள்ளார்.மாணவி நிருத்திகா சிறிதரனுக்கு அவரது பாடசாலை சகமாணவர் நலன்விரும்பிகள் இந்த நூல்களை அன்பளிப்பாக வழங்கியுள்ளமை குறிப்பிடத்தக்கது.
