காற்றில் பறக்கும் அரசு உத்தரவு- தமிழகம் வரும் வெளிமாநில பயணிகளுக்கு இ-பாஸ் சோதனை நடத்தவில்லை

தமிழகம் வரும் வெளிமாநில பயணிகளுக்கு ‘இ-பாஸ்’ சோதனை நடத்தவில்லை. ரெயில்-பஸ் நிலையங்களுக்கு பயணிகள் வழக்கம் போல் வந்து செல்கின்றனர்.

கொரோனா தடுப்பு நடவடிக்கையின் ஒரு பகுதியாக நேற்று முதல் தமிழகத்தில் புதிய கட்டுப்பாடுகளுடன் கூடிய ஊரடங்கு அமலுக்கு வந்தது. அந்த கட்டுப்பாட்டின் ஒரு பகுதியாக புதுச்சேரி தவிர்த்து ஆந்திரா, கர்நாடகா, கேரளா உள்ளிட்ட அனைத்து மாநிலங்களில் இருந்து தமிழகம் வரும் நபர்கள் http://eregister.tnega.orgஎன்ற இணையதளத்தில் பதிவு செய்து பெறப்பட்ட ‘இ-பாஸை’ தமிழகத்துக்குள் நுழையும் போது காண்பித்த பின்னரே அனுமதிக்கப்படுவர் என தமிழக அரசு அறிவித்திருந்தது.