தமிழகத்திற்கு அதிகளவில் கொரோனா தடுப்பூசி வழங்குமாறு பிரதமர் மோடிக்கு திமுக தலைவர் ஸ்டாலின் கடிதம்
திமுக தலைவர் ஸ்டாலின், பிரதமர் மோடிக்கு எழுதியுள்ள கடிதத்தில் கூறப்பட்டுள்ளதாவது: தமிழகம் முழுவதும் கொரோனா தடுப்பூசி பற்றாக்குறை அதிகளவில் இருக்கிறது. இதனால் தமிழக அரசு கேட்டுள்ள 20 லட்சம் தடுப்பூசி டோஸ்களை உடனடியாக அனுப்ப வேண்டும். கொரோனா தொற்று அதிகரித்து வருவதால் கூடுதல் தடுப்பூசி மருந்து தேவை. தடுப்பு மருந்து செலுத்துவதே, கொரோனா தடுப்புக்கான மருத்துவ பாதுகாப்பாகும். தடுப்பூசி மூலமே மக்களை கொரோனாவில் இருந்து பாதுகாக்க முடியும்.
தடுப்பூசி செலுத்திக் கொள்ள மருத்துவமனைக்கு செல்பவர்கள் திருப்பி அனுப்பப்படுகின்றனர். மருந்து கொள்முதலில் மாநிலங்களுக்கு விதிக்கப்பட்டுள்ள கட்டுப்பாடுகளை நீக்க வேண்டும். கட்டுப்பாடு, முன்னுரிமைகளால் தடுப்பூசி செலுத்துவது சாத்தியமற்றது. மாநிலங்களே தடுப்பூசிகளை கொள்முதல் செய்ய மத்திய அரசு அனுமதிக்க வேண்டும். இவ்வாறு அந்த கடிதத்தில் கூறப்பட்டுள்ளது. மேலும், இந்த கடிதத்தில் திமுக.,வின் லோக்சபா, ராஜ்யசபா எம்.பி.,களும் கையெழுத்திட்டுள்ளனர்.
