வாழைச்சேனை பொலிஸ் பிரிவிற்குட்பட்ட பிறைந்துறைச்சேனையில் ஹெரோயின் மற்றும் ஐஸ் போதைப்பொருளுடன் இளைஞன் ஒருவன் கைது செய்யப்பட்டுள்ளதாக வாழைச்சேனை பொலிஸ் நிலைய பொறுப்பதிகாரி தனஞ்ஜய பெரமுன தெரிவித்தார்.
வாழைச்சேனை காகித ஆலை இராணுவப் புலனாய்வுப் பிரிவினருக்கு கிடைத்த இரகசியத் தகவலையடுத்து ஹெரோயின் மற்றும் ஐஸ் போதைப் பொருட்களுடன் 24 வயதுடைய இளைஞர் ஒருவர் பிறைந்துறைச்சேனை பிரதேசத்தில் வைத்து கைது செய்யப்பட்டுள்ளார்.
கல்குடா பிரதேசத்தில் அதிகரித்து வரும் போதைப் பொருள் பாவனையைக் கட்டுப்படுத்த வாழைச்சேனை இராணுவ புலனாய்வுப் பிரிவினர் அதிரடியான நடவடிக்கைகளை மேற்கொண்டு வருகின்றனர்.
