வவுனியா – நெளுக்குளம் பகுதியில் மது தயாரிப்பில் ஈடுப்பட்ட ஒருவரை பொலிஸார் இன்று கைது செய்தனர்.
மது தயாரிப்பது குறித்து பொலிஸாருக்கு கிடைத்த இரகசிய தகவலையடுத்து நெளுக்குளம் பொலிஸ் பொறுப்பதிகாரி எ.ஸ்.அத்தநாயக்க தலைமையிலான பொலிஸ் உத்தியோகஸ்தர்கள் தேடுதல் நடவடிக்கையில் ஈடுபட்டனர்.
இந்நிலையில் டிஸ்கோ சந்தி மற்றும் தம்பனைப் புளியங்குளம் சந்தி காட்டுப்பகுதிக்குள் மறைத்து மது தயாரிப்பில் ஈடுப்பட்ட 39 வயதுடைய ஒருவரை கைது செய்த பொலிஸார், மது தயாரிப்பிற்கு பயன்படுத்தப்பட்ட உபகரணங்களையும் கைப்பற்றினர்.
சம்பவம் தொடர்பில் மேலதிக விசாரணைகளை மேற்கொண்ட பின்னர் சந்தேக நபரை வவுனியா மாவட்ட நீதவான் நீதிமன்றில் ஆஜர்ப்படுத்தவுள்ளதாக நெளுக்குளம் பொலிஸார் தெரிவித்துள்ளனர்.
