மனிதக் கடத்தலில் ஈடுபட்ட இருவர் கனேடிய எல்லையில் கைது

Abbotsford-Huntingdon  பகுதியில் உள்ள கனேடிய எல்லைக்கு அருகில் இரு அமெரிக்கப் பிரஜைகள் கைது செய்யப்பட்டுள்ளனர். இவர்களில் ஒருவர்  வாகனமொன்றில் மறைந்திருந்தமை கண்டுபிடிக்கப்பட்டதை அடுத்து இக்கைதுகள் இடம்பெற்றுள்ளன.

Valdis Joe (45) என்றவரால் செலுத்தப்பட்ட வாகனமொன்றில் ( pickup truck) 38 வயதான Amando Cody என்பவரை மறைத்து வைத்திருந்தமை கண்டுபிடிக்கப்பட்டதாக  கனேடிய எல்லைப் பாதுகாப்பு அதிகாரிகள் (Canada Border Services Agency) தெரிவித்தனர்.

Valdis Joe என்பவர் கனடாவினுள் பிரவேசிக்க அனுமதி கோரியதாகவும், வாகனத்தினுள் இன்னோருவர் மறைத்து வைக்கப்பட்டிருப்பதை முதன்மைச் சோதனை அதிகாரியிடம் தெரிவிக்கவில்லை எனவும் கனேடிய எல்லைப் பாதுகாப்பு நிறுவனத்தின் அறிக்கை கூறுகிறது.

மறைந்திருந்தவர் கண்டுபிடிக்கப்பட்ட பொழுது, கனேடிய எல்லைப் பாதுகாப்பு அதிகாரிகள், இருவரையும் கனேடிய குடிவரவு, மற்றும் அகதிகள் பாதுகாப்புச் சட்டத்தின்கீழ் கைது செய்தனர்.