கடந்த 24 மணித்தியாலத்திற்குள் சிறைச்சாலை கொவிட் – 19 வைரஸ் கொத்தணியில் ஒருவர் கொரோனா தொற்றுக்குள்ளானவராக அடையாளம் காணப்பட்டதாக கொவிட் – 19 வைரஸ் தொற்று பரவலைத் தடுக்கும் தேசிய செயற்பாட்டு மத்திய நிலையத்தின் பிரதானியும், இராணுவ தளபதி தெரிவித்தார்.
இருப்பினும் நேற்றைய தினம் நாட்டில் கொரோனா தொற்றுக்குள்ளானவர்களாக 337 பேர் இனங்காணப்பட்டிருப்பதாகவும் அவர் கூறினார். நாட்டில் இதுவரையில் கொரோனா தொற்றுக்குள்ளானவர்களின் எண்ணிக்கை 20,500 ஆக அதிகரித்துள்ளது.
இதேவேளை நேற்றைய தினம் கொரோனா தொற்றினால் மூவர் உயிரிழந்துள்ளனர். இவர்களில் இருவர் பெண்களாவர். நாட்டில் இதுவரையில் பதிவான கொவிட் – 19 வைரஸ் தொற்று மரண எண்ணிக்கை 90 ஆக அதிகரித்துள்ளமை குறிப்பிடத்தக்கது.
