நாங்கள் நடந்தது உங்கள் வாழ்வு தலைநிமிர
தலைநிமிர்வுக்காகத் தலைதந்து களம் வீழ்ந்தோம்
வீழ்ச்சியில் இருந்து மீண்டெழுந்து நிமிர்வதற்கே
நிமிர்வதற்காய் நிமிருங்கள் நீதிக்காய் துணியுங்கள்
துணிவுடைத்தோன் தலைவனவன் சொல்லியதை மறக்காதீர்
மறக்காது மதிநுட்பம் தாங்கியோராய் மதிகொடெழுந்தலே
எழுச்சியிலே பேரெழுச்சி காணுகின்ற நிலை தோன்றும்
தோற்றத்தின் தொடராக மாற்றங்கள் நிகழ்ந்தேறும்
ஏற்றமதை காண்பதற்கு எங்களுக்குள் எழுச்சிகொள்வோம்
தன்னெழுச்சி கொள்ளாது மண்னெழுச்சி கொள்ளாது
கொள்கையிலே உறுதிகொண்டோர் தோற்றதில்லை உலகினிலே
உலகினிலே நீதியொன்றும் ஒருநாளில் கிடைத்திடாது
கிடைத்திடாது என்று சொன்னால் பல தேசியகீதங்கள் தானேது
தானே தனியானாய் படைகொண்டு தடம்பதித்த எம்மிளவல்
இளவலவன் செயலொன்றே உனக்கான வழிகாட்டி
வாழிகாட்டியைத் தேடி உன் வாழ்வைத் தொலைக்காதே
தொலையாத தேசத்தை மீட்கின்ற பணியாற்றி மிடுக்கோடு எழுவாயா
எழுதல் கடிணமென்று இவ்வுலகத் தடமிருந்து அழிவதுதான் நிலையா
நிலைமாற நீ மாறு நிலையான தேசமதை மீட்டு நிமிர்வதற்காய்!
