அமெரிக்க துணை அதிபராக தேர்வாகியுள்ள கமலா ஹாரிசுக்கு டி.டி.வி.தினகரன் வாழ்த்து தெரிவித்துள்ளார்.அமெரிக்க அதிபர் தேர்தலில் ஜனநாயக கட்சி சார்பில் போட்டியிட்ட ஜோ பைடன் 290 வாக்குகளைப் பெற்று 46-வது அதிபராக பதவியேற்க உள்ளார். இதேபோல், இந்திய வம்சாவளியைச் சேர்ந்த கமலா ஹாரிஸ் துணைஅதிபராகிறார்.
இந்நிலையில், அமெரிக்க துணை அதிபராக தேர்வாகியுள்ள கமலா ஹாரிசுக்கு டி.டி.வி.தினகரன் வாழ்த்து தெரிவித்துள்ளார்.
அம்மா மக்கள் முன்னேற்ற கழக பொதுச்செயலாளர் டி.டி.வி.தினகரன் இன்று தனது டுவிட்டர் பக்கத்தில் கூறியிருப்பதாவது:-
அமெரிக்க வரலாற்றில் முதல் பெண் துணை அதிபராக தேர்ந்தெடுக்கப்பட்டுள்ள தமிழ் வம்சாவளியைச் சேர்ந்த கமலா ஹாரிஸ் அவர்களுக்கு மனப்பூர்வமான வாழ்த்துகள்.
அவரது பூர்வீகமான திருவாரூர் மாவட்டம், மன்னார்குடி அருகே உள்ள துளசேந்திரபுரம் கிராமத்திற்கு மட்டுமல்லாமல், ஒட்டுமொத்த தமிழர்களுக்கும் பெருமை சேர்க்கும் வகையில் அவரது செயல்பாடுகள் அமையட்டும் என கூறியுள்ளார்.
