2018-ம் ஆண்டு நடைபெறும் பாகிஸ்தான் பாராளுமன்ற தேர்தலில் பெனாசிர் மகன் போட்டியிடுகிறார்.பாகிஸ்தான் மக்கள் கட்சி தலைவர் பிலாவல் பூட்டோ சர்தாரி (28). இவர் மறைந்த முன்னாள் பிரதமர் பெனாசிர் பூட்டோ மற்றும் முன்னாள் அதிபர் ஆசிப் அலி சர்தார் ஆகியோரின் ஒரே மகன் ஆவார்.
நேற்று லாகூரில் பாகிஸ்தான் மக்கள் கட்சி நிறுவிய தினம் கொண்டாடப்பட்டது. அதில் பிலாவல் பூட்டோ கலந்து கொண்டு திரண்டிருந்த தொண்டர்கள் மத்தியில் பேசினார்.
அப்போது பிரதமர் நவாஸ் செரிப்புக்கு ஆட்சி நடத்த தெரியவில்லை. நான் வருகிற 2018-ம் ஆண்டு பாராளுமன்ற தேர்தல் அல்லது இடைத்தேர்தலில் எனது தாயாரின் லர்கானா தொகுதியில் போட்டியிடுவேன்.
தேர்தலில் வெற்றி பெற்று பாகிஸ்தானின் அடுத்த பிரதமர் ஆவேன். பாகிஸ்தான் மக்கள் கட்சியின் கொடி அனைத்து முதல் மந்திரிகள், பிரதமர் மற்றும் அதிபரின் வீடுகளில் பறக்கும் காலம் வரும். அதற்கு தொண்டர்களாகிய உங்களின் ஆதரவு எனக்கு வேண்டும் என்றார்.
