யாழ் நகர வர்த்தகர்கள் வட மாகாண ஆளுநர் அலுவலகத்தின் முன்பாக இன்று(திங்கட்கிழமை) காலை கவனயீர்ப்பு போராட்டம் ஒன்றினை முன்னெடுத்திருந்தனர்.
யாழ்.மத்திய பேருந்து நிலையத்தில் அமைந்துள்ள பழக்கடைகளை அகற்றுமாறு யாழ்பாண மாநகர சபை அறிவித்து 7 நாட்கள் காலக்கெடு விடுத்துள்ளது.
இந்நிலையில் அதற்கு எதிர்ப்பு தெரிவித்தே வட மாகாண ஆளுநர் அலுவலகம் முன்பாக யாழ் நகர வர்த்தகர்கள் கவனயீர்ப்பு போராட்டமொன்றை முன்னெடுத்துள்ளனர்.
இதன்போது அவர்கள் ஆளுநரிடம் மகஜரொன்றையும் கையளித்திருந்ததாக ஆதவனின் பிராந்திய செய்தியாளர் குறிப்பிட்டார்.
