வவுனியாயாவில் நேற்று கடையொன்றிற்கு முன்பாக நிறுத்தி வைக்கப்பட்ட ; முச்சக்கர வண்டியில் திருட்டுச்சம்பவம் ஒன்று இடம்பெற்றுள்ளது.
இச்சம்பவம் குறித்து மேலும் தெரியவருவதாவது,
வவுனியா ஹொறவப்பொத்தானை வீதிபள்ளி வாசல் சந்திக்கு முன்பாக நிறுத்தி வைக்கப்பட்ட முச்சக்கரவண்டியின் உதிரி பாகங்களே ; நேற்று (10) மாலை இனம் தெரியாத நபர்களால் திருடப்பட்டுள்ளது.
நேற்று மாலை வவுனியா ஹொறவப்பொத்தானை வீதி பள்ளி வாசல் சந்திக்கு முன்பாக உள்ள கடையொன்றின் முன்னால் ; தனது ; முச்சக்கரவண்டியினை நிறுத்திவிட்டு பொருட்களை ; கொள்வனவு செய்ய முச்சக்கரவண்டி உரிமையாளர் சென்றுள்ளார்.
நிறுத்தி வைக்கப்பட்ட முச்சக்கர வண்டிக்கு அருகாமையில் இரு இளைஞர்கள் நின்றுள்ளனர். அதனை அவதானித்த வாகன உரிமையாளர் அவசர அவசரமாக கடைக்குள் நுளைந்து பொருட்களை கொள்வனவு செய்துவிட்டு வந்து பார்த்தபோது ; சுமார் ; 20,000 பெறுமதியான முச்சக்கரவண்டியில் பொருத்தப்பட்ட ; பாடல் பெட்டி (box set) காணவில்லை.
அதனைத் தொடர்ந்து அவர் வவுனியா குற்றத்தடுப்பு பொலிஸாரிடம் முறைப்பாடு செய்ததனை தொடர்ந்து அவ்விடத்திற்கு விரைந்த பொலிஸார் அப்பகுதியில் இருந்த அவதானிப்புகருவி (cctv)மூலம் அவதானித்து திருடிய சந்தேகநபர்களை பிடிப்பதற்கான நடவடிக்கைகளை மேற்கொண்டு வருகின்றனர்.
