க.பொ.த உயர்தரப் பரீட்சை எதிர்வரும் திங்களன்று காலை 8.30க்கு ஆரம்பமாகிறது எனவும் நாடு முழுவதும் 2648 பரீட்சை நிலையங்களில் உயர்தரப் பரீட்சையை நடத்த அனைத்து நடவடிக்கைகளும் முன்னெச்சரிக்கை நடவடிக்கைகளும் எடுக்கப்பட்டுள்ளன எனவும் பரீட்சைகள் ஆணையாளர் சனத் பூஜித தெரிவித்தார்.
இதேவேளை தரம் 5 புலமைப்பரிசில் பரீட்சை எதிர்வரும் ஒக்டோபர் 11 ஆம் திகதி நாடெங்குமுள்ள 2936 பரீட்சை நிலையங்களில் நடத்தப்படவுள்ளது.
மேலும், இவ்விரு பரீட்சைகளின் போதும் கொவிட் 19 தொற்றால் மாணவர்கள் எவரேனும் பாதிக்கப்படின் சுகாதார அமைச்சுடன் இணைந்து தேவையான முன்னெச்சரிக்கை நடவடிக்கை மற்றும் சிகிச்சைகள் மேற்கொள்ளப்படும் என பரீட்சைகள் ஆணையாளர் தெரிவித்தார்.
பரீட்சார்த்திகள் https://info.moe.gov.lk என்ற இணையத்தளத்தில் சென்று தங்கள் விபரங்களைப் பதியுமாறு கேட்டுக்கொள்ளப்படுகின்றனர்.
