ஆவா வினோதனின் வீட்டுக்குள் புகுந்த வன்முறைக் கும்பல் ஒன்று அங்குள்ள பொருள்களைச் சேதப்படுத்தியும் மோட்டார் சைக்கிள்கள் இரண்டைத் தீவைத்து எரியூட்டியும் அட்டூழியத்தில் ஈடுபட்டுவிட்டுத் தப்பித்துள்ளது.
இணுவில் துரை வீதியில் உள்ள வீட்டிலேயே இன்று பிற்பகல் 2.30 மணியளவில் இந்தச் சம்பவம் இடம்பெற்றுள்ளது.
கடந்த 26ஆம் திகதி யாழ்ப்பாணம் நகர் பெருமாள் கோயிலடியில் மானிப்பாயைச் சேர்ந்த தனுரொக் என்ற இளைஞரை வாளால் வெட்டிக்காயப் படுத்திய குற்றச்சாட்டில் ஆவா வினோதன் யாழ்ப்பாணம் நீதிவான் நீதிமன்றில் சரணடைந்த நிலையில் எதிர்வரும் 9ஆம் திகதி வரை விளக்கமற்றியலில் வைக்கப் பட்டுள்ளார்.
இந்தநிலையிலேயே ஆவா வினோதனின் வீட்டில் வன்முறைக் கும்பல் ஒன்றால் தாக்குதல் நடத்தப்பட்டுள்ளது. சம்பவம் தொடர்பில் சுன்னாகம் பொலிஸார் விசாரணைகளை முன்னெடுத்துள்ளனர்.
