ஐ.நா. ஊழியர்கள் எங்கள் கொரோனா தடுப்பூசியை இலவசமாக செலுத்திக்கொள்ளலாம் – ஐ.நா. கூட்டத்தில் ரஷிய அதிபர் புதின் அதிரடி

ஐ.நா. கூட்டத்தில் ரஷிய அதிபர் புதின் கூறியதாவது:-

மருத்துவர்களின் அறிவியல், தொழில்த்துறை மற்றும் பரிசோதனை அனுபவங்களின் மூலம் கொரோனா வைரசை கண்டறிந்து சிகிச்சையளிக்க பலவிதமான சோதனை முறைகள் மற்றும் மருந்துகளை ரஷியா உருவாக்கியுள்ளது, மேலும், உலகின் முதல் கொரோனா தடுப்பூசியாக ஸ்புட்னிக் வி-யை நாங்கள் பதிவு செய்யப்பட்டுள்ளது.

கொரோனா தடுப்பூசி விவகாரத்தில் நாங்கள் முற்றிலும் வெளிப்படையான மற்றும் கூட்டாகாகவும் இணைந்து செயல்பட தயாராக உள்ளோம் என்பதை தெரிவித்து கொள்கிறோம்.

கொரோனா வைரஸ் தடுப்பூசியை உருவாக்குவது தொடர்பாக எங்களுடன் ஒருங்கிணைந்து செயல்பட விரும்பமுல்லா நாடுகள் பங்கேற்கும் வகையில் கூடிய விரைவில் உயர்மட்ட அளவிலான ஆன்லைன் மூலம் வீடியோ கருத்தரங்கு ஒன்று ஏற்பாடும் செய்யலாம் என இந்த சபை மூலமாக தெரிவித்துக்கொள்கிறேன்.

மற்ற நாடுகளிலும் நம்பகமான, பாதுகாப்பான மற்றும் பயனுள்ளதாக நிரூபிக்கப்பட்டுள்ளது ஸ்புட்னிக்-வி கொரோனா தடுப்பூசியை உலக நாடுகளுக்கு வழங்கவும், கொரோனா தடுப்பூசி தொடர்பான எங்கள் அனுபவங்களை பகீர்ந்து கொள்ளவும், தடுப்பூசி குறித்த ஒத்துழைப்பை தொடர்ந்து வழங்கவும் நாங்கள் தயாராக உள்ளோம்.

மற்றவர்களுக்கு பரவியது போன்றே பல்வேறு பகுதிகளில் உள்ள ஐக்கிய நாடுகள் சபையின் ஊழியர்களும், அதன் தலைமையிடத்தில் இருக்கும் ஊழியர்களுக்கும் கொரோனா வைரஸ் பரவியுள்ளது.

ஐக்கிய நாடுகள் சபைக்கு கொரோனா வைரஸ் தடுப்பு தொடர்பாக தேவையான உதவிகளை செய்ய ரஷியா தயாராக உள்ளது.

கொரோனாவால் பாதிக்கப்பட்டுள்ள ஐக்கிய நாடுகள் சபையின் அலுவலக ஊழியர்கள் விருப்பத்தின் பெயரில் வந்தால் அவர்களுக்கு எங்கள் ஸ்புட்னிக்-வி கொரோனா தடுப்பூசியை எந்த ஒரு கட்டணமும் வசூலிக்காமல் இலவசமாக வழங்க நாங்கள் முன்வருகிறோம் என்பதை தெரிவித்துக்கொள்கிறேன்.