கட்டுநாயக்க விமான நிலையம் எதிர்வரும் ஓகஸ்ட் மாதம் முதலாம் திகதிக்கு முன்னர் சுற்றுலாபயணிகளுக்காகத் திறக்கப்படலாம் என அமைச்சர் பிரசன்ன ரணதுங்க தெரிவித்துள்ளார்.
இலங்கைக்கான புதிய இந்தியத் தூதுவர் கோபால் பல்கேவுடன் இடம் பெற்ற கலந்துரையாடலின்போது அவர் இவ்வாறு குறிப்பிட்டார். விமான நிலையம் திறப்பது தொடர்பில் தூதுவர் எழுப்பிய கேள்விக்கு அமைச்சர் பதிலளித்தார்.
ஓகஸ்ட் மாதம் முதலாம் திகதி விமான நிலையத்தைச் சுற்றுலாப் பயணிகளுக்காகத் திறப்பதற்கு திட்டமிடப்பட்டுள்ளதாக அமைச்சர் குறிப்பிட்டார்.
வெளிநாடுகளில் உள்ள இலங்கையர்களை நாட்டுக்கு அழைத்து வரும் நடவடிக்கை நிறைவடைந்த பின்னர் -ஓகஸ்ட் மாதம் முதலாம் திகதிக்கு முன்னர் கட்டுநாயக்க விமான நிலையத்தைத் திறக்க முடியும் என அமைச்சர் மேலும் கூறினார்.
