இலங்கை ஜனாதிபதி இந்திய ஜனாதிபதியை சந்தித்தார்.

ஜனாதிபதி மைத்திரிபால சிறிசேன நேற்று இந்திய ஜனாதிபதி பிரனாம் முகர்ஜியை சந்தித்தார்.

டெல்லியில் அமைந்துள்ள ராஷ்ட்ரபதிபவன் மாளிகையில் இந்த சந்திப்பு இடம்பெற்றுள்ளது.

இந்தியாவில் இடம்பெறவுள்ள 7வது சர்வதேச புகையிலை கட்டுப்பாட்டு மாநாட்டில் கலந்துகொள்வதற்காக ஜனாதிபதி நேற்று இந்தியாவை சென்றடைந்தார்.

உலக சுகாதார அமைப்பில் ஏற்பாட்டில் இடம்பெறும் இந்த மாநாடு, இந்திய பிரதமர் நரேந்திர மோடி தலைமையில் இடம்பெறவுள்ளது.

புகையிலை கட்டுப்பாட்டு மாநாடு இரண்டு வருடங்களுக்கு ஒரு தடவை இடம்பெறுகின்றது.

இந்த நிலையில் ஜனாதிபதி மைத்திரிபால சிறிசேன விசேட உரையொன்றையும் நிகழ்த்தவுள்ளதாக ஜனாதிபதி ஊடக பிரிவு தெரிவித்துள்ளது.