யாழ்ப்பாணத்தில் கொலைசெய்யப்பட்ட பல்கலைக்கழக மாணவர்களில் ஒருவரான நடராசா கஜனுடைய வீட்டிற்கு எதிர்க்கட்சித் தலைவர் இரா.சம்பந்தன் சென்று அனுதாபதம் தெரிவித்துள்ளார்.
படுகொலை செய்யப்பட்ட யாழ்.பல்கலைக்கழக மாணவன் நடராசா கஜனின் இல்லத்திற்கு இன்று பிற்பகல் எதிர்கட்சி தலைவர் இரா.சம்பந்தன் விஜயம் செய்து அவர்களின் குடும்ப நிலவரங்களை பார்வையிட்டதுடன், குடும்பத்தாருக்கு ஆறுதல் வார்த்தைகளையும் கூறியுள்ளார்
இதன்போது குடும்பத்தினருடன் கலந்துரையாடல் ஒன்றும் இடம்பெற்றுள்ளது.
இச்சந்திப்பில், தமிழ் தேசியக் கூட்டமைப்பின் தலைவர் இரா.சம்பந்தனுடன், நாடாளுமன்ற உறுப்பினர் சி.சிறிதரன் மாகாண சபை உறுப்பினர் பசுபதிப்பிளை ஆகியோர் கலந்து கொண்டனர்.
இதன்போது கருத்துத் தெரிவித்த எதிர்கட்சி தலைவர் இரா.சம்பந்தன் நீதி கோரி விசாரணைகள் ஒரு பக்கத்தில் நடந்துகொண்டிருக்க இந்த படுகொலையில் இறந்த மாணவர்கள் இக் குடும்பங்களுக்கு முக்கியமானவர்கள் இவர்களின் இழப்பு ஒரு பெரிய இழப்பு என்றும், இந்த இரு குடும்பகளினதும் பொருளாதார நிலைமைகளைக் கருத்திற் கொண்டு இவர்களுக்கு பொருளாதார ரீதியில் உதவுவதற்கான நடவடிக்கைகளை எடுப்பதாகவும் தெரிவித்துள்ளார்.
