புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாசவின் தேர்தல் விஞ்ஞாபனத்தின் முதல் பிரதிகளை, மல்வத்து மற்றும் அஸ்கிரிய பீடங்களின் மகாநாயக்கர்களிடம் சமர்ப்பிக்க ஏற்பாடுகள் செய்யப்பட்டுள்ளதாக கூறப்படுகிறது.
மேலும் இந்த விஞ்ஞாபனம் நாளை மறுதினம் (வியாழக்கிழமை) கண்டியில் வெளியிடப்படும் என அமைச்சர் லக்ஸ்மன் கிரியெல்ல தெரிவித்துள்ளார்.
ஜனாதிபதி வேட்பாளர் ஒருவர், கண்டியில் தமது தேர்தல் விஞ்ஞாபனத்தை வெளியிடுவது இதுவே முதல் முறை என்றும் சாதாரண மக்களின் உணர்வுகளை புரிந்து கொள்ளக்கூடிய தலைவர் அவர் என்றும் லக்ஸ்மன் கிரியெல்ல மேலும் தெரிவித்துள்ளார்.
ஜனாதிபதி தேர்தல் எதிர்வரும் நவம்பர் மாதம் 16ஆம் திகதி இடம்பெறவுள்ளமை குறிப்பிடத்தக்கது.
