குடும்ப தகராறு காரணமாக ஆத்திரமும் விரக்தியுமுற்ற நான்கு பிள்ளைகளின் தாய் தனது உடலில் பெற்றோலை ஊற்றி தனக்குத்தானே தீ மூட்டி மரணமடைந்துள்ளார். மேற்படி சம்பவம் பரந்தன் ஊரியானில் இடம்பெற்றுள்ளது.
இவ்வாறு மரணமானவர் பேரின்பநாயகம் மேரிரஜீனா (வயது 42) என்பவராவார்.மேற்படி சம்பவம் தொடர்பில் தெரியவருவதாவது,கடந்த 24ஆம் திகதி குடும்பத் தகராறு காரணமாக மேரிரஜீனா என்ற குடும்பப் பெண் ஆத்திரத்தில் உடலில் பெற்றோலை ஊற்றி தனக்குத்தானே தீமூட்டி எரியுண்ட நிலையில் கிளிநொச்சி மாவட்ட பொது வைத்தியசாலையில் அனுமதிக்கப்பட்டார்.
இவர் பின்னர் சிகிச்சை பலனளிக்காத நிலையில் நேற்று காலை மரணமானார். இவரது மரண விசாரணையை கிளிநொச்சி மரண விசாரணை அதிகாரி டாக்டர் க.திருலோகமூர்த்தி மேற்கொண்டு தற்கொலை மரணம் என தீர்ப்பு வழங்கினார்.
