வவுனியா மடுகந்தை பகுதியில் இடம்பெற்ற வாகன விபத்தில் ஒருவர் காயமடைந்துள்ளார்.
இந்த விபத்து இன்று அதிகாலை இடம்பெற்றதாக மடுகந்தை பொலிஸார் தெரிவித்துள்ளனர்.
ஹெப்பற்றிகொலாவ யானுஓயா பகுதியிலிருந்து வவுனியா நோக்கி மணல் ஏற்றிக்கொண்டு பயணித்த டிப்பர் வாகனமொன்று, வேகக்கட்டுப்பாட்டை இழந்து மரத்துடன் மோதி விபத்துக்குள்ளானதில் இந்த அனர்த்தம் நேர்ந்துள்ளது.
இந்த விபத்தில் டிப்பர் வாகன சாரதி படுகாயமடைந்த நிலையில் வவுனியா பொது வைத்தியசாலையில் அனுமதிக்கப்பட்டுள்ளார்.
விபத்து தொடர்பான மேலதிக விசாரணைகளை மடுகந்தை பொலிஸார் முன்னெடுத்து வருகின்றனர்.
