ஜனாதிபதித் தேர்தலில் சஜித் பிரேமதாஸதான் எமது வேட்பாளர் என்பதை இவ்வேளையில் உறுதியுடன் கூறிக்கொள்கிறேன் என அமைச்சர் சுஜீவ சேனசிங்க தெரிவித்துள்ளார்.
ஐக்கிய தேசியக் கட்சியின் உள்ளுராட்சி மன்ற உறுப்பினர்களின் மாநாடு, கொழும்பு சுகததாஸ உள்ளக விளையாட்டரங்களில் இடம்பெற்றது.
இதன்போது அதில் கலந்துகொண்டு கருத்து தெரிவிக்கும்போதே அவர் இதனைக் குறிப்பிட்டுள்ளார். சுஜீவ சேனசிங்க மேலும் கூறியுள்ளதாவது, “சஜித்தை தவிர வேறு எவரும் ஜனாதிபதி வேட்பாளராக களமிறக்கப்படமாட்டார்கள்.
இதேவேளை எதிர்வரும் ஜனாதிபதித் தேர்தலில் ஐக்கிய தேசியக்கட்சியின் வேட்பாளராக பிரதமர் ரணில் விக்ரமசிங்கவை களமிறங்கவுள்ளதாக அண்மையில் செய்தியொன்று வெளியாகியிருந்தது.
அவ்வாறு ஜனாதிபதி வேட்பாளராக பிரதமர் ரணில் விக்ரமசிங்க களமிறங்குவாராயின், அதனை கட்சியின் செயற்குழுவுக்கு முதலில் அறிவிக்க வேண்டும்.
இங்கு வாக்கெடுப்பொன்று நடத்தப்பட்டு பெரும்பான்மையோரது ஆதரவுடன் அவர் களமிறங்குவாராயின் நாம் ஒருபோதும் அதற்கு எதிர்ப்பினை தெரிவிக்க மாட்டோம்” என குறிப்பிட்டுள்ளார்.
