முன்னாள் பாதுகாப்பு செயலாளர் கோத்தபாய ராஜபக் ஷவின் அமெரிக்க குடியுரிமையை நீக்காமல் அவரை ஸ்ரீ லங்கா பொதுஜன முன்னணியின் ஜனாதிபதி வேட்பாளராக அறிவித்தது நகைப்புக்குரியதாகவே உள்ளது. இது மக்களின் கண்களை மூடும் செயற்பாடாகும். மஹிந்த ராஜபக் ஷ முழு நாட்டையும் ஏமாற்ற முயற்சிப்பதாக அமைச்சர் சந்திராணி பண்டார குற்றம் சாட்டினார்.
அநூராதபுரத்தில் சனிக்கிழமை இடம்பெற்ற நிகழ்வொன்றில் கலந்துகொண்டு ஊடகங்களுக்கு கருத்து தெரிவிக்கும் போதே அவர் இவ்வாறு குறிப்பிட்டார்.
அங்கு அவர் தொடர்ந்தும் குறிப் பிடுகையில்,
ஐக்கிய தேசிய கட்சி தமது பணிகளை முறையாக முன்னெடுத்து வருகிறது. அதற்கமைய ஜனாதிபதி வேட்பாளரை தற்போதே அறிவிப்பதற்கான எந்த அவசியமும் கிடையாது. தேர்தல் இடம்பெறுவதற்கு இன்னும் காலமும் காணப்படுகிறது. ஆகவே கட்சியின் ஒழுங்கு விதிகளுக்கு அமைய செயற்குழு மற்றும் பாராளுமன்ற குழு ஆகியன ஒன்றிணைந்து முறையாக வேட்பாளரை அறிவிப்போம்.
ஸ்ரீலங்கா பொதுஜன முன்னணியின் வேட்பாளர் கோத்தபாய ராஜபக் ஷ நாடு பூராகவும் வலம்வருவதால் எமக்கு எந்த பிரச்சினையும் இல்லை.
இதுவரையில் தேர்தலுக்கான உத்தியோகபூர்வ அறிவிப்பு விடுக்கப்படவில்லை. கோத்தபாய ராஜபக் ஷவை அந்த கட்சியின் வேட்பாளராக அறிவித்திருந்தாலும், அவரின் அமெரிக்க குடியுரிமை இன்னும் நீக்கப்பட வில்லை.
நாட்டின் குடியுரிமை இல்லாத ஒருவர் எவ்வாறு நாட்டின் ஜனாதிபதியாக முடியும். இது நகைப்புக்குரிய விடயமாகும். மக்களின் கண்களை மூடும் செயற்பாடாகும். முன்னாள் ஜனாதிபதி மஹிந்த ராஜபக் ஷ முழு நாட்டையும் ஏமாற்றும் வகையிலேயே செயற் பட்டு வருகிறார். ஆகையால் நாங் கள் குழப்பமடைவதற்கான எந்தத் தேவையும் இல்லை எனத் தெரி வித்தார்.
