பொலன்னறுவை பொலிஸ் பிரிவுக்கு உட்பட்ட சுங்காவில வீதியில் பலுகஸ்மதன மகா வித்தியாலயத்திற்கு அருகிலுள்ள மஞ்சள் கடவையில் ஒருவர் விபத்துக்ககு உள்ளாகி உயிரிழந்துள்ளார்.
பொலன்னறுவை நோக்கி பயணித்த மோட்டார் சைக்கிள் எதிர் திசையில் வந்த கெப் வண்டியோடு நேருக்கு நேர் மோதி குறித்த விபத்து இடம்பெற்றுள்ளது.
விபத்துக்கு உள்ளாகிய மோட்டார் சைக்கிள் ஓட்டுனர் பொலன்னறுவை வைத்தியசாலைக்கு அனுமதிக்கப்பட்ட நிலையில் உயிரிழந்துள்ளார்.
உயிரிழந்த நபர் வேதினிகம சேனபுரவைச் சேர்ந்த 21 வயதுடைய பமுனுரத்ன முதியன்சேலாகே திலுச பிரசாத் சஞ்சீவ என அடையாளம் காணப்பட்டுள்ளார்.
பிரேத பரிசோதனைக்காக சடலம் பொலன்னறுவை வைத்தியசாலையில் வைக்கப்பட்டுள்ளது.
சம்பவம் தொடர்பில் கெப் வண்டி சாரதி கைது செய்யப்பட்டுள்ளார்.
விபத்து தொடர்பான மேலதிக விசாரணைகளை பொலன்னறுவை பொலிஸார் மேற்கொண்டு வருகின்றனர்.
