நவகத்தேகம, கருவலகஸ்வெவ 17 ஆம் கட்டையில் நேற்று (22) மாலை இடம்பெற்ற வீதி விபத்துச் சம்பவத்தில் சிவில் பாதுகாப்பு உத்தியோகத்தர் ஒருவர் உயிரிழந்துள்ளார்.
கருவலகஸ்வெவ, முனமல்கஸ்வெவ பகுதியைச் சேர்ந்த ஜே.ஏ.ஜயதிலக (வயது 45) என்பவரே இவ்விபத்தில் உயிரிழந்துள்ளதாக பொலிஸார் தெரிவித்தனர்.
சம்பவம் இடம்பெற்ற நேற்று (22), குறித்த சிவில் பாதுகாப்பு உத்தியோகத்தர் பயணித்த மோட்டார் சைக்கிளும், தனியார் பயணிகள் பஸ் ஒன்றும் நேருக்கு நேர் மோதிக்கொண்டதில் இவ்விபத்துச் சம்பவம் இடம்பெற்றுள்ளதாக நவகத்தேகம பொலிஸார் குறிப்பிட்டனர்.
குறித்த சிவில் பாதுகாப்பு உத்தியோகத்தர், பணி நிமித்தம் சிலாபம் பகுதிக்குச் சென்றுகொண்டிருந்த போதே இவ்விபத்துச் சம்பவத்திற்கு முகம்கொடுத்துள்ளார் எனவும் பொலிஸார் ௯றினர்.
விபத்தில் படுகாயமடைந்த குறித்த சிவில் பாதுகாப்பு உத்தியோகத்தர் படுகாயமடைந்த நிலையில் அங்கிருந்தவர்களால் கல்கமுவ வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளார்.
விபத்துச் சம்பவம் தொடர்பில் நவகத்தேகம பொலிஸார் மேலதிக விசாரணைகளை மேற்கொண்டு வருகின்றனர்.
