புத்தளம் – ஆனமடுவ வீதியின் கொட்டுக்கச்சிய பகுதியில் நேற்று (14) இரவு இடம்பெற்ற வீதி விபத்தில் இரண்டு இளைஞர்கள் உயிரிழந்துள்ளனர்.
புத்தளம், கொட்டுக்கச்சிய பகுதியைச் சேர்ந்த 25 வயதுடைய சுபுன் பிரசாத் மற்றும் இஷார கசுன்ன ஆகிந இரு இளைஞர்களே இவ்வாறு உயிரிழந்துள்ளதாக புத்தளம் பொலிஸார் தெரிவித்தனர்.
கொட்டுக்கச்சிய வெள்ளங்குளம் பகுதியில் வீதியோரத்தில் நிறுத்தி வைக்கப்பட்டிருந்த டிப்பர் வாகனம் ஒன்றுடன், குறித்த இரு இளைஞர்களும் பயணித்த மோட்டார் சைக்கிள் பின்னால் சென்று மோதியதில் இவ்விபத்துச் சம்பவம் இடம்பெறவுள்ளதாக புத்தளம் பொலிஸார் குறப்பிட்டனர்.
விபத்தில் படுகாயமடைந்த இரு இளைஞர்களையும் அங்கிருந்தவர்கள் உடனடியாக புத்தளம் தள வைத்தியசாலையில் அனுமதிக்கப்பட்ட போதிலும் அவ்விரு இளைஞர்களும் சிகிச்சை பலனின்றி உயிரிழந்துள்ளதாக தெரிவிக்கப்படுகிறது.
விபத்துடன் தொடர்புடைய டிப்பர் வாகனம் புத்தளம் பொலிஸாரின் கட்டுப்பாட்டில் வைக்கப்பட்டுள்ளதுடன், டிப்பர் வாகன சாரதி பொலிஸாரினால் கைது செய்யப்பட்டுள்ளார்.
புத்தளம் பொலிஸார் இவ்விபத்துச் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.
