நவகத்தேகம – தம்மன்னவடிய பகுதியில் பாழடைந்த கிணற்றில் இருந்து ஒரு தொகை வெற்று தோட்டாக்கள் மீட்கப்பட்டுள்ளன.
குறித்த வெற்று தோட்டாக்கள் நேற்று (14) மீட்கப்பட்டுள்ளதாக பொலிஸார் தெரிவிக்கின்றனர்.
ஆர்.பி.ஜீ துப்பாக்கிகளுக்குப் பயன்படுத்தப்படும் 60 மில்லி மீட்டர் தோட்டா ஒன்றும், ரி 56 துப்பாக்கிகளுக்குப் பயன்படுத்தப்படும் வெற்று தோட்டாக்கள் 9960 பொலிஸாரால் மீட்கப்பட்டுள்ளன.
ஆர்.பி.ஜீ துப்பாக்கிகளுக்குப் பயன்படுத்தப்படும் 60 மில்லி மீட்டர் தோட்டா, புத்தளம் பகுதி விசேட அதிரடிப் படையினரால் வெடிக்க வைக்கப்பட்டுள்ளது.
பழைய இரும்பு சேகரிக்கும் நபர் ஒருவரால் தோட்டாக்கள் கொண்டு வரப்பட்டு பாழடைந்த கிணற்றில் போடப்பட்டிருக்கலாம் என்று தெரிவிக்கப்படுகின்றது.
சம்பவம் தொடர்பில் நவகத்தேகம பொலிஸார் மேலதிக விசாரணைகளை மேற்கொண்டு வருகின்றனர்.
