நள்ளிரவில் இருந்து முன்னெடுக்கப்படவிருந்த புகையிரத திணைக்கள ஊழியர்களின் பணிப் பகிஷ்கரிப்பு கைவிடப்பட்டுள்ளது.
சம்பள முரண்பாட்டை நீக்குதல் உள்ளிட்ட சில கோரிக்கைகளை முன்வைத்து நேற்று நள்ளிரவில் இருந்து புகையிரத தொழிற்சங்கங்கள் ஆரம்பிக்கவிருந்த பணிப்பகிஷ்கரிப்பு கைவிடப்பட்டுள்ளதாக புகையிரத தொழிற்சங்கம் தெரிவித்துள்ளது.
புகையிரத சாரதிகள், கட்டுப்பாட்டாளர்கள் உள்ளிட்ட தொழிற்சங்கங்கள் சில இரண்டு நாள் பணிப் பகிஷ்கரிப்பில் ஈடுபடுவதற்கு ஏற்கனவே தீர்மானித்திருந்தன.
தொழிற்சங்கங்களின் கோரிக்கை தொடர்பில் நிதியமைச்சருடன் இன்று பேச்சுவார்த்தை நடத்தவுள்ளதாக போக்குவரத்து மற்றும் சிவில் விமான சேவைகள் பிரதியமைச்சர் அசோக அபயசிங்க தெரிவித்தார்.
இதேவேளை, தமது கோரிக்கைகளுக்கு உரிய பதில் கிடைக்காவிடத்து மீண்டும் பணிப் பகிஷ்கரிப்பை ஆரம்பிக்கவுள்ளதாக புகையிரத சாரதிகள் சங்கத்தின் செயலாளர் இந்திக்க தொடங்கொட தெரிவித்தார்.
