வத்தளை பகுதியில் துப்பாக்கி , தோட்டக்கள் மற்றும் ஹெரோயினுடன் ஒருவர் கைது செய்யப்பட்டுள்ளார்.
வத்தளை பொலிஸ் பிரிவிற்குட்பட்ட பகுதியில் கடந்த செவ்வாய்க்கிழமை திட்டமிட்ட குற்றத்தடுப்பு பிரிவினருக்கு கிடைக்கப் பெற்ற தகவலுக்கமைய மேற்கொள்ளப்பட்ட சுற்றிவளைப்புகளின் போதே சந்தேக நபர் கைது செய்யப்பட்டதாக பொலிஸ் ஊடகப்பிரிவு தெரிவித்தது.
மாளிகாவத்த பகுதியைச் சேர்ந்த 47 வயதுடைய நபரொருவரே இவ்வாறு கைது செய்யப்பட்டுள்ளார். இவரிடமிருந்து இரு வகை துப்பாக்கிகள் இரண்டும் , 7 தோட்டாக்களும் மற்றும் 7 கிராம் 100 மில்லி கிராம் தொகை ஹெரோயினும் மீட்கப்பட்டன.
திட்டமிட்ட குற்றத்தடுப்பு பிரிவினர் சந்தேக நபரை நீதவான் நீதிமன்றத்தில் ஆஜர்படுத்தியுள்ளதுடன் , மேலதிக விசாரணைகளையும் மேற்கொண்டு வருகின்றனர்.
