மட்டக்களப்பு – பொலன்னறுவை வீதியின் வெலிகந்த வெனபிடிய பகுதியில் இடம்பெற்ற வாகன விபத்தில் ஐவர் உயிரிழந்துள்ளதுடன் மேலும் 12 பேர் காயமடைந்துள்ளதாக பொலிஸார் தெரிவித்துள்ளனர்.
வோன் ஒன்று சிறிய ரக பாரவூர்தியுடன் மோதுண்டே குறித்த விபத்து இன்று அதிகாலை 1.45 மணியளவில் இடம்பெற்றுள்ளது.
இவ்வாறு உயிரிழந்தவர்களுள் நான்கு பெண்கள் அடங்குவதாகவும் அவர்கள் வெலிகந்த பகுதியைச் சேர்ந்தவர்கள் எனவும் பொலிஸார் தெரிவித்துள்ளனர்.
அத்துடன் காயமடைந்த 12 பேரும் பொலன்னறுவை வைத்தியசாலையில் அனுமதிக்கப்பட்டு சிகிச்சை பெற்றுவருவதுடன் இது தொடர்பான விசாரணைகளை பொலிஸார் மேற்கொண்டு வருகின்றனர்.
