புத்தளம், ஆனமடு – சங்கட்டிக்குளம் பிரதேசத்தில் ஐ.எஸ்.ஐ.எஸ். தீவிரவாத அமைப்புக்கு எதிராக ஆர்ப்பாட்டம் ஒன்று இடம்பெற்றது.
சங்கட்டிக்குளம் ஜூம்மா மஸ்ஜித்தின் ஏற்பாட்டில் முன்னெடுக்கப்பட்ட இந்த ஆர்ப்பாட்டம், குறித்த ஜூம்மா மஸ்ஜித்திற்கு முன்னால் இன்று (புதன்கிழமை) முன்னெடுக்கப்பட்டது.
இதன்போது, நூற்றுக்கணக்கான மக்கள் கோஷங்களை எழுப்பியவாறும் பல்வேறு பதாதைகளை ஏந்தியவாறும் இந்த ஆர்ப்பாட்டத்தில் ஈடுபட்டனர்.
கடந்த ஈஸ்டர் தினத் தாக்குதல்களையடுத்து ஐ.எஸ்.ஐ.எஸ். தீவிரவாத அமைப்புக்கு எதிராக பல்வேறு எதிர்ப்பு ஆர்ப்பாட்டங்கள் நாடு முழுவதும் முன்னெடுக்கப்பட்டு வருகின்றன. அந்தவகையில் இன்று இந்த ஆர்ப்பாட்டம் முன்னெடுக்கப்பட்டமை குறிப்பிடத்தக்கது.
