ரிஷாத் பதியூதீன், அசாத் சாலி மற்றும் ஹிஹ்புல்லாஹ் ஆகியோருக்கு எதிரான முறைப்பாடுகளைப் பெற்றுக் கொள்வதற்கு பொலிஸ் தலைமையகத்து விசேட குழுவொன்று நியமிக்கப்பட்டுள்ளது.
சிரேஷ்ட பொலிஸ் அத்தியட்சர் ஒருவரின் கீழ், பொலிஸ் அத்தியட்சர்கள் இருவரை உள்ளடக்கி இந்த விசேட குழு அமைக்கப்பட்டுள்ளதாக பொலிஸ் பேச்சாளர் பொலிஸ் அத்தியட்சர் ருவன் குணசேகர கூறினார்.
பொது மக்கள் எவரேனும் இவர்கள் தொடர்பான முறைப்பாடுகளை முன்வைக்க வேண்டுமாயின் அதனை இக் குழுவில் முன்வைக்க முடியும் எனவும் அவர் குறிப்பிட்டார்.
அதன்படி எதிர்வரும் 12 ஆம் திகதிவரை இக் குழுவில் இவர்கள் தொடர்பான முறைப்பாடுகள் ஏற்றுக் கொள்ளப்படவுள்ளமையும் குறிப்பிடத்தக்கது.
